ପୁରୀ(AKN NEWS):ଆଧ୍ୟାତ୍ମିକ ଭାବରେ ପ୍ରତିଧ୍ୱନିତ ଏବଂ ସାଂସ୍କୃତିକ ଭାବରେ ସମୃଦ୍ଧ ପୁରୀ ସହରରେ ପୁରୀ ସାହିତ୍ୟ ମହୋତ୍ସବର ଉଦଘାଟନ କରିବା ଅତ୍ୟନ୍ତ ଆନନ୍ଦର ବିଷୟ ।ଭାରତର ସାଂସ୍କୃତିକ ଐତିହ୍ୟ ଏବଂ ଏହାର ପ୍ରଗତିଶୀଳ ଆକାଂକ୍ଷାର ଏହା ଏକ ଅନନ୍ୟ ଉତ୍ସବ ବୋଲି କହିଛନ୍ତି ରାଜ୍ୟପାଳ ଡ.ହରି ବାବୁ କମ୍ଭମପାଟି।ଆଜି ପୂର୍ବାହ୍ନରେ ପୁରୀ ସାହିତ୍ୟ ମହୋତ୍ସବ କୁ ଉଦଘାଟନ କରି ରାଜ୍ୟପାଳ କହିଲେ ଯେ,ପୁରୀ କେବଳ ଏକ ଭୌଗୋଳିକ ସ୍ଥାନ ନୁହେଁ; ଏହା ଭାରତର କାଳଜୟୀ ଆଧ୍ୟାତ୍ମିକ ଏବଂ କଳାତ୍ମକ ପରମ୍ପରାର ଏକ ଜୀବନ୍ତ ପ୍ରତୀକ। ଏହି ମହୋତ୍ସବ ପରମ୍ପରା ଏବଂ ଆଧୁନିକତାର କେବଳ ସହ-ଅସ୍ତିତ୍ୱ ନୁହେଁ ବରଂ ଏକତ୍ର ପ୍ରଗତି କରିପାରିବ ସେ ବିଷୟରେ ଅର୍ଥପୂର୍ଣ୍ଣ ଆଲୋଚନା ପାଇଁ ଏକ ଉପଯୁକ୍ତ ମଞ୍ଚ। ଏହା ସେମାନଙ୍କୁ ଜ୍ଞାନର ଗତିଶୀଳ ଉତ୍ସ ଭାବରେ ପୁନର୍ଜୀବିତ କରିବାକୁ ଚେଷ୍ଟା କରେ ଯାହା ଏକ ଦ୍ରୁତ-ବିକଶିତ ସମାଜକୁ ମାର୍ଗଦର୍ଶନ କରିବାରେ ସକ୍ଷମ। ଏକ ସମୟରେ ଯେତେବେଳେ ପ୍ରଯୁକ୍ତିବିଦ୍ୟା ପ୍ରଗତି ଏବଂ ବିଶ୍ୱସ୍ତରୀୟ ପ୍ରଭାବ ଜନଚେତନାକୁ ପ୍ରାଧାନ୍ୟ ପ୍ରଦାନ କରେ ଏହା ମନେ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯେ ସାଂସ୍କୃତିକ ଭିତ୍ତିଭୂମି ଦାୟିତ୍ୱପୂର୍ଣ୍ଣ ପ୍ରଗତି ପାଇଁ ଆବଶ୍ୟକୀୟ ଦିଗଦର୍ଶନ ପ୍ରଦାନ କରେ।ଏହା ସ୍ୱୀକାର କରେ ଯେ ଏକ ଜାତି ତାର ଅତୀତକୁ ପ୍ରତ୍ୟାଖ୍ୟାନ କରି ଅଭିବୃଦ୍ଧି ପାଏ ନାହିଁ ବରଂ ତାର ଐତିହ୍ୟକୁ ତାର ସମସାମୟିକ ବର୍ଣ୍ଣନାରେ ବୁଣି ବିକାଶ ପାଏ। ଏଠାରେ ଲେଖକ, ଚିନ୍ତକ, ସ୍ଥପତି, କଳାକାର ଏବଂ ଯୁବପିଢ଼ିଙ୍କ ଉପସ୍ଥିତି ଏହି ଅନ୍ତର୍ଭୁକ୍ତିର ପ୍ରମାଣ ବୋଲି ରାଜ୍ୟପାଳ ଡ. କମ୍ଭବପାଟି କହିବା ସହ ଆମର ଜାତୀୟ ବ୍ୟାଖ୍ୟାନକୁ ନିରନ୍ତର ସମୃଦ୍ଧ କରୁଥିବା ଐତିହ୍ୟ କୁ ଆଗକୁ ବଢାଇବାକୁ ଆହ୍ଵାନ ଦେଇଥିଲେ।
କାର୍ଯ୍ୟକ୍ରମ ରେ ଭିଡିଓ ବାର୍ତ୍ତା ମାଧ୍ୟମରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏଭଳି ଏକ ସ୍ମରଣୀୟ ମହୋତ୍ସବ ପାଇଁ ଆୟୋଜକ ଓ ଅତିଥି ମାନଙ୍କୁ ଶୁଭେଚ୍ଛା ଓ ଶୁଭ କାମନା ଜଣାଇବା ସହ ଏହି ମହୋତ୍ସବ ଆମ ମହାନ ସଂସ୍କୃତି, ଓଡ଼ିଶାର ସାହିତ୍ୟ, ପାରମ୍ପରିକ ଖାଦ୍ୟ,ପୂର୍ବ ସୁରୀ ମାନଙ୍କ ଅବଦାନ ସମ୍ପର୍କରେ ଅଧିକ ଆଦୃତି ହୋଇ ପାରିବ ବୋଲି କହିଥିଲେ।ଅନ୍ୟତମ ସମ୍ମାନିତ ଅତିଥି ଭାବେ ଯୋଗ ଦେଇ ପୁରୀ ଲୋକସଭା ସାଂସଦ ଡା ସମ୍ବିତ ପାତ୍ର ଶବ୍ଦ ହିଁ ବ୍ରହ୍ମ ଓ ବ୍ରହ୍ମ ହିଁ ଶବ୍ଦ।ଏହି ସାହିତ୍ୟ ମହୋତ୍ସବ ରେ ଉଚ୍ଚାରିତ ପ୍ରତିଟି ଶବ୍ଦ ସାହିତ୍ୟ ଓ ସଂସ୍କୃତି କୁ ରୁଦ୍ଧିମନ୍ତ କରିବ।ଆଦି ଶଙ୍କରାଚାର୍ଯ୍ୟ, ଗୁରୁ ନାନକ, ଚୈତନ୍ୟ, ସନ୍ଥ କବିର,ତୁଳସୀ ଦାସ, ରାମାନୁଜମ ଙ୍କ ଭଳି ପ୍ରଖ୍ୟାତ ବ୍ୟକ୍ତି ମାନେ ପୁରୀ କୁ ଆସିଛନ୍ତି।ସେଥିପାଇଁ ମଠ ସଂସ୍କୃତି ମହାନ ହୋଇଛି।ଆଗାମୀ ତିନି ଦିନ ସାହିତ୍ୟ ସଂସ୍କୃତି ର ଆଲୋଚନା, ପର୍ଯ୍ୟାଲୋଚନା ହେବା ସହ ଯୁବ ବର୍ଗଙ୍କୁ ଆଧ୍ୟାତ୍ମିକ ଓ ଆମ ମହାନ ସଂସ୍କୃତି ର ଦିଗଦର୍ଶନ କରାଇବ ବୋଲି ସେ ମତ ଦେଇଥିଲେ।ପୁରୀ ସାହିତ୍ୟ ମହୋତ୍ସବର ଅଧ୍ୟକ୍ଷ ଓମ ପ୍ରିୟଦର୍ଶୀ ଛୋଟରାୟ ଙ୍କ ସଭାପତିତ୍ବ ରେ ଅନୁଷ୍ଠିତ ଏହି ମହୋତ୍ସବ ରେ ଅନ୍ୟତମ ଅଧ୍ୟକ୍ଷ ଶିବମ ରଘୁବଂଶୀ ଉପସ୍ଥିତ ଥିଲେ।ସଦସ୍ୟ ସୌମେନ୍ଦ୍ର ଦାସ ଓ ପ୍ରଫେସର ସସ୍ମିତା ବନ୍ଦରନାୟକ ଅତିଥି ମାନଙ୍କୁ ସମ୍ବର୍ଦ୍ଧିତ କରିଥିଲେ।ଶେଷରେ ଅଧ୍ୟକ୍ଷ ଶଶାଙ୍କ ଶେଖର ସିଂ ଧନ୍ୟବାଦ ଅର୍ପଣ କରିଥିଲେ।ପ୍ରାରମ୍ଭରେ ରାଜ୍ୟପାଳ ଓ ଅନ୍ୟ ଅତିଥି ମାନେ ପ୍ରଦୀପ ପ୍ରଜ୍ୱଳନ କରି ଏହି ତିନି ଦିନିଆ ସାହିତ୍ୟ ମହୋତ୍ସବ ର ଉଦଘାଟନ କରିଥିଲେ।ପ୍ରତିଷ୍ଠିତ ପ୍ରକାଶକ ମାନଙ୍କ ତରଫରୁ ମହୋତ୍ସବ ସ୍ଥଳରେ ପୁସ୍ତକ ମେଳାର ଆୟୋଜନ କରାଯାଇଛି।.
ପୁରୀ ରୁ ରଞ୍ଜନ ଦାସଙ୍କ ରିପୋର୍ଟ AKN NEWS
