ଧର୍ମଗଡ ପୂର୍ତ୍ତ ବିଭାଗରେ ଚାଲିଥିବ ଅନିୟମିତତା ଓ ମୁକୁଳା ଡ୍ରେନ ରେ ଢାଙ୍କୁଣି ଦାବିରେ ପୂର୍ତ୍ତ ବିଭାଗ କାର୍ଯ୍ୟାଳୟ ଘେରାଓ କଲେ ଧର୍ମଗଡ ବାସୀ।

MOHIT987April 10, 2024

0 284

କଳାହାଣ୍ଡି ଜିଲ୍ଲା ଉପଖଣ୍ଡ ଚିକିତ୍ସାଳୟ ର MCH ସମ୍ମୁଖରେ ଥିବା ଡ୍ରେନ ରେ ଢାଙ୍କୁଣି ଦାବିକରି ଆଜି ଧର୍ମଗଡ ପୂର୍ତ୍ତ ବିଭାଗ ଅଫିସ ଘେରାଓ କରିଛନ୍ତି ସ୍ଥାନୀୟ ଜନସାଧାରଣ । ଧର୍ମଗଡ ଠାରେ କୋଟିକୋଟି ଟଙ୍କା ବ୍ୟୟରେ MCH ନିର୍ମାଣ କରାଯାଇଥିବା ବେଳେ ତାର ସମ୍ମୁଖରେ ଥିବା ଡ୍ରେନ ନିର୍ମାଣ ଏବଂ ଏହାର ସୁରକ୍ଷା ପାଇଁ ବିଭାଗ କର୍ଣାପାତ କରୁନାହାନ୍ତି ।ଏଣୁ ଆଜି ଧର୍ମଗଡ ଜଗନ୍ନାଥ ସେବା ସମିତି ର ଅଧ୍ୟକ୍ଷ ବିଷ୍ଣୁ ପ୍ରସାଦ ଅଗ୍ରୱାଲ ଙ୍କ ନେତୃତ୍ଵରେ ସ୍ଥାନୀୟ ଜନସାଧାରଣ ଅଫିସ ସମ୍ମୁଖରେ ଧାରଣା ଓ ପ୍ରତିବାଦ କରୁଛନ୍ତି।
କୋଟି କୋଟି ଟଙ୍କା ବ୍ୟୟରେ MCH ନିର୍ମାଣ ହୋଇଥିଲେ ହେଁ ଖରାଦିନରେ ଅସରାଏ ବର୍ଷା ହେଲେ ପାଣି ଗଲୁଛି ତେବେ ବର୍ଷା ଦିନରେ ଏହାର ଅବସ୍ଥା କଣ ହେବ ଓ ଏଥିରେ ହୋଇଥିବା ନିମ୍ନ ମାନର କାମର ଉଚ୍ଚସ୍ତରୀୟ ତଦନ୍ତ ସହ ଦୀର୍ଘ ବର୍ଷ ଧରି ଧର୍ମଗଡ ରେ ଅବସ୍ଥାପିତ ଥିବା ଏସ ଡି ଓ ଙ୍କୁ ତୁରନ୍ତ ବଦଳି କରିବା ପାଇଁ ଦାବୀ ହୋଇଛି। ପୁନଶ୍ଚ ଲକ୍ଷ ଲକ୍ଷ ଟଙ୍କା ବ୍ୟୟରେ MCH ସମ୍ମୁଖରେ ଥିବା ଡ୍ରେନ ରେ ଢାଙ୍କୁଣି ନିର୍ମାଣ କରାଯାଇ ନ ଥିବାରୁ ବିଭିନ୍ନ ସମୟରେ ଦୁର୍ଘଟଣା ମାନ ଘଟୁଛି।
ଏହାର ଶୀଘ୍ର ପ୍ରତିକାର ନକଲେ ପ୍ରତିବାଦ ସ୍ୱର ତୀବ୍ର ରୂପ ନେବ ଓ ଆମରଣ ଅନଶନ କରାଯିବ ବୋଲି ଆନ୍ଦୋଳନକାରୀ ମାନେ ଚେତାବନୀ ଦେଇଛନ୍ତି ।
ମିଳିଥିବା ସୂଚନା ଅନୁଯାୟୀ, ପୂର୍ତ୍ତ ବିଭାଗର ଅଧିକାରୀ ମାନେ ଫୋନ ଯୋଗେ ସମସ୍ୟାର ସମାଧାନ ପାଇଁ ଆଶ୍ଵାସନା ଦେବା ସହ ମୁକୁଳା ଡ୍ରେନ ରେ ଢାଙ୍କୁଣି ଲଗାଇବା କାର୍ଯ୍ଯ ଆରମ୍ଭ ହେବା ପରେ ଆନ୍ଦୋଳନ କୁ ପ୍ରତ୍ୟାହାର କରି ନିଆଯାଇଛି।